काठमाडौँ । सरकारले दोस्रो चरणअन्तर्गत सुकुमबासी बस्ती तथा नदी आसपासका अतिक्रमित क्षेत्रमा हटाउने अभियानलाई तीव्र बनाउँदै डोजर सञ्चालनलाई निरन्तरता दिएको छ । आइतबार पनि उक्त अभियान जारी राखिएको हो, जसले राजधानीका विभिन्न स्थानमा प्रभाव पारिरहेको छ ।
आज बिहान काठमाडौँको कपन क्षेत्रमा रहेका अतिक्रमित बस्तीमा डोजर प्रयोग गरी संरचना हटाउने कार्य अघि बढाइएको छ । यसअघि शनिबार बालाजु र स्वयम्भू आसपासका बस्तीमा पनि यस्तै अभियान सञ्चालन गरिएको थियो, जहाँ अवैध रूपमा निर्माण गरिएका संरचनाहरू हटाइएको थियो ।
यस अभियानको पहिलो चरणमा सरकारले थापाथली, गैरी गाउँ लगायतका क्षेत्रमा रहेका सुकुमबासी बस्ती हटाइसकेको छ । अहिले दोस्रो चरणमा थप क्षेत्रहरू लक्षित गरी अतिक्रमण हटाउने कार्यलाई विस्तार गरिएको हो ।
सरकारले सार्वजनिक जग्गा संरक्षण, नदी किनार क्षेत्रको व्यवस्थापन तथा सहरी सौन्दर्य कायम गर्ने उद्देश्यले यो अभियान अघि बढाएको जनाएको छ । यद्यपि, यस कार्यले प्रभावित बासिन्दाहरूको पुनःस्थापना र व्यवस्थापनबारे प्रश्नहरू पनि उठिरहेका छन् ।
(तस्बिरहरू)
सम्बन्धित खवर
